Салкын төннән соң Татарстанда 12 градуска кадәр җылы булыр дип көтелә

Бүген, 15 октябрьдә, Татарстанда антициклон тәэсирендә урнашкан салкын, кояшлы һәм коры һава торышы саклана. Бу хакта ТР Гидрометеорология үзәге хәбәр итә.

Алмашынучан болытлы һава фаразлана. Шул ук вакытта сизелерлек явым-төшем көтелми.

Җил көньяк-көнчыгыштан исә, аның тизлеге секундына 4-9 метр тәшкил итә, шул ук вакытта җилнең тизлеге урыны белән 14 метрга кадәр көчәя.

Салкын төннән соң ( 0 дән -5 градуска кадәр, төбәкнең көнчыгышында һәм көньягында – 6 дан -11 градуска кадәр) көндез Татарстанда һава 7-12 градуска кадәр җылыначак ( ТР башкаласында — +9..+11 градуска кадәр).

Элегрәк синоптиклар атна уртасында атмосфера фронтлары Татарстанга яңгыр һәм җепшек кар китерәчәк дип кисәткән иде.