Новости за 13.09.2024

Хөкүмәт БДИны гамәлдән чыгарып, аны традицион дәүләт имтиханнары белән алыштыру турындагы закон проектын хупламады. Бу хакта инициатива авторларының берсе – Дәүләт Думасының социаль сәясәт комитеты башлыгы Ярослав Нилов РИА Новостига хәбәр иткән.

А.В.Баталов исемендәге Бөгелмә дәүләт рус драма театрының элеккеге директоры мошенниклыкта шикләнелә. Бу хакта ТР прокуратурасы матбугат хезмәте хәбәр итә.

Төркиядә татарның популяр камыр ризыгы гөбәдияне яраталар. Бу хакта «Татар-информ» хәбәрчесенә Анталиядә яшәүче музыка белгече, «Татарстан» мәдәният җәмгыяте җитәкчесе Гөлназ Җиһангирова әйтте.

Мәүлид бәйрәмен уздыруга багышланган матбугат очрашуында Татарстан казые, Татарстан Республикасы Диния нәзарәтенең шәригать мәсьәләләре буенча бүлек башлыгы Булат Мөбәрәков Мәүлид бәйрәменең соңгы елларда гына чыккан бәйрәм булмавы, ә электән килгән гореф-гадәт икәнлеген әйтте.

Җиденче чакырылыш ТР Дәүләт Советының беренче утырышы 20 сентябрьдә узачак. Мондый карар бүген алтынчы чакырылыш парламенты президиумы утырышында кабул ителде.

«Беларусьфильм» киностудиясе Татарстан Республикасының «Татаркино» дәүләт бюджет учреждениесе белән берлектә махсус хәрби операция һәм IT-белгечләр турында фильм төшерергә җыена. Картинаны төшерү урыннарының берсе Иннополис булырга тиеш. Бу хакта Белоруссия компаниясе җитәкчесе Юрий Алексей Санкт-Петербург халыкара мәдәни форумында – Берләшкән мәдәниятләр форумында сөйләде, дип хәбәр итә ТАСС.

Татарстанда якынлашып килүче җылыту сезонына котельняларның 98 проценты әзер. Дүрт муниципалитеттагы 51 объектта эшләр дәвам итә. Бу хакта 2024-2025 елгы җылыту чорына әзерлек буенча республика штабы утырышында ТР Төзелеш, архитектура һәм торак-коммуналь хуҗалык министры урынбасары Мәҗит Салихов сөйләде.

Татарстан Рәисе Рөстәм Миңнеханов Казахстанда узган Бөтендөнья күчмә халыклар уеннарына йомгак ясады. Ярышлар барышында республика спортчылары төрле дәрәҗәдәге 17 медаль яулаган. Алар шул рәвешле Россия җыелма командасының медальләр җыелмасына шактый зур өлеш керткән.

Бөтендөнья допингка каршы агентлык (WADA) җитәкчелеге экспертның тыелган препарат Россия фигуралы шуучысы Камилә Вәлиеваның организмына десерт ашаганда эләгүе турындагы версиясен раслый ала торган нәтиҗәсен яшергән. Бу хакта үз чыганакларына сылтама белән The Associated Press агентлыгы яза.

Татарстан «Авыл ипотекасы» программасыннан актив файдаланучы төбәкләр санына керде. Биредә 4,1 мең шундый төр кредит бирелгән. Татарстан Башкортстаннан (5,7 мең) һәм Удмуртиядән (4,6 мең) генә калыша. Бу хакта Росреестр мәгълүматларына сылтама белән ТАСС хәбәр итә.

Татарстанда Муса Җәлил исемендәге Республика премиясен бирү шартлары үзгәртелде. Татарстан Республикасы Министрлар Кабинетының тиешле карарына республика Премьер-министры Алексей Песошин кул куйды.

2024 елның 22 апреленнән Казанда республиканың муниципаль берәмлекләре арасында «Татарстанның мәдәни башкаласы» конкурсы старт алды. Быел конкурс Татарстан Республикасы Рәисе Рөстәм Миңнеханов кушуы буенча Гаилә елы эгидасы астында узачак. Бу хакта Татарстанның Мәдәният ресурс үзәге хәбәр итә.

Казан спортчысы Арина Факимова «Алтын көз» Бөтенроссия ярышлары рапирачылары арасында шәхси беренчелектә көмеш яулады. 260 кеше катнашындагы ярышлар ТР башкаласында узды. Бу хакта Казан мэриясе матбугат хезмәте хәбәр итә.

Азәрбайҗан белән Татарстанны төрки тамырлар гына түгел, әдәбият та бәйли. Күп кенә татар авторларының әсәрләрен азәрбайҗан теленә тәрҗемә итәләр, ә иң популяр язучыларның берсе — шагыйрь, публицист һәм әдәби тәнкыйтьче Габдулла Тукай.

Бүген, 13 сентябрьдә, Татарстанда аномаль җылы һава торышы саклана, ләкин температура бераз түбәнәячәк. Бу хакта ТР Гидрометеорология үзәге хәбәр итә.

Чаллы үзәгендә «Җәмигъ» мәчетендә төзелеш эшләре план буенча дәвам итә. Аны шәһәрнең 400 еллык юбилеена, 2026 елда төзеп бетерергә җыеналар. Бу хакта «Шәһри Чаллы» сайтында Зөлфия Галим хәбәр итә.

Шимбә, 14 сентябрьдә, Түбән Камада традицион көзге авыл хуҗалыгы ярминкәләре башлана. Алар 29 декабрьгә кадәр халыкны чагыштырмача арзан бәядән азык-төлек белән тәэмин итәчәк. Бу хакта Түбән Кама муниципаль районы рәсми сайтында хәбәр ителә.

Зәй районы Сарсаз-Баграж авыл клубында эш кайный - бер төркем волонтерлар маскировка челтәрләре үрә. Алар янына ялга кайткан «Хабиб» кушаматлы хәрби килгән. Бу хакта «Зәй яңалыклары» хәбрә итә.

Кукмара аграр көллиятендә студент-автомобильчеләр арасында «Автосессия — 2024» конкурсы уздырылды. Конкурс теоретик һәм практик этаплардан торды. Бу хакта «Хезмәт даны» сайтында Эльвира Иванова яза.

«Балтач» ял паркында «Кече ватанны яхшы белүче» дип аталган туган якка багышланган квест үткәрелде. Бу хакта «Хезмәт» сайтында Гөлзидә Газизуллина яза.