Саха театра: Иван Гоголевка анаммыт тэрээьиннэргэ куутэбит

Таптыыр дьонуом, биир суолу
Көрдөһөбүн олустук,
Дьоллоох буолуҥ, доллоох буолуҥ,
Бары дьоллоох буолуҥ куруук.
Кындыл

Былатыан Ойуунускай аатынан Саха театра тохсунньу 17-19 күннэригэр саха народнай поэта, биллиилээх драматург Иван Гоголев-Кындыл төрөөбүтэ 95 сылыгар анаммыт испэктээкиллэргэ уонна “Мин тапталым – поэзия” хоһоонунан уус-уран дьүһүйүүгэ ыҥырар.

Тохсунньу 17 күнүгэр 18-00 ч “ХАРА КЫТАЛЫК” драма
Тохсунньу 18 күнүгэр 15-00 ч “МИН ТАПТАЛЫМ ПОЭЗИЯ” хоһоонунан уус-уран дьүһүйүү
Тохсунньу 18 күнүгэр 18-00 ч “НААРА СУОХ” кэмиэдийэ
Тохсунньу 19 күнүгэр 18-00 ч “ДЫГЫН ДАРХАН” драма

Иван Гоголев-Кындыл ытык аата Саха театрын кытары ыкса ситимнээх. Ол курдук 1961 сыллаахтан кини айымньыларын араас көлүөнэ режиссердар туруоран, барыта 20-тэн тахса испэктээкилэ театрбыт сценатыгар турбута. Дьон-сэргэ биһирэбилин ылбыт “Хара кыталык”, “Дыгын Дархан” (“Өлүөнэ сарсыардата”), “Наара суох”, “Хаарчаана”, “Кыталыктар кырдаллара” испэктээкиллэрэ билигин даҕаны толору саалаҕа оонньоноллор.

Саха театрын чугас доҕоро, драматург, сүгүрүйэр суруйааччыбыт Иван Гоголевка анаммыт тэрээһиннэрбитигэр кэлэргитин күүтэбит.

билиэттэри онлайн саха театрын сайтыттан атыылаһыҥ https://iframeab-pre5643.intickets.ru
Каасса күн ахсын өрөбүлэ, тохтобула суох 10:00-18:00 үлэлиир
Билсэр төл: 34-13-31

Театрга кэлиҥ, сылдьыҥ, маанылаах ыалдьыт буолуҥ!

Сообщение Саха театра: Иван Гоголевка анаммыт тэрээьиннэргэ куутэбит появились сначала на SAKHALIFE.