Оскуолаларга Оһуохайга болҕомто ууруохтарын наада — үтүөлээх этээччи Каджана Евсеева

30.06.2024 04:45

Sakhalife.ru

Саха Сирин Оһуохай үтүөлээх этээччитэ Каджана Евсеева — Чэлгийэ сахалыы иитии күүстээхтик сайдарын туһугар туох үлэ ыытарын, инники былааннарын арыйда: — Мин, Евсеева Каджана Николаевна — Чэлгийэ Сунтаарга кулун тутар 12 күнүгэр 1955 сыллаахха төрөөбүтүм, 1985 сыллаахха СГУ нуучча тылын салаатын бүтэрбитим, билигин Үлэ бэтэрээнэбин, Учууталлар учууталлара, билигин сынньалаҥҥа олоробун. Биэс оҕолоохпун, элбэх сиэннээхпин, хос […]

Сообщение Оскуолаларга Оһуохайга болҕомто ууруохтарын наада — үтүөлээх этээччи Каджана Евсеева появились сначала на Сетевое издание SAKHALIFE.RU.

Саха Сирин Оһуохай үтүөлээх этээччитэ Каджана Евсеева — Чэлгийэ сахалыы иитии күүстээхтик сайдарын туһугар туох үлэ ыытарын, инники былааннарын арыйда:

— Мин, Евсеева Каджана Николаевна — Чэлгийэ Сунтаарга кулун тутар 12 күнүгэр 1955 сыллаахха төрөөбүтүм, 1985 сыллаахха СГУ нуучча тылын салаатын бүтэрбитим, билигин Үлэ бэтэрээнэбин, Учууталлар учууталлара, билигин сынньалаҥҥа олоробун. Биэс оҕолоохпун, элбэх сиэннээхпин, хос стэннээхпин, Ил Түмэнтэн «Социальнай — экономическай сайдыыга үтүөтүн иһин» бэлиэлээхпин, ырыаһыппын, тойуксуппун, Саха Сирин Оһуохай үтүөлээх этээччитэбин, ол эрэн арыый сааһыран баран оһуохайдыыр буолбутум.

Кыра эрдэхпиттэн Түбэйгэ оһуохайдыылларын сэргээн көрөрүм, араастык хамсаналларын, куоластара чөллөркөйүн сөбүлүүрүм . Түбэй — Дьаархаҥҥа үлэлии сылдьан тойукка, Оһуохайга үөрэппитим. Онтон курэхтэргэ бастакы миэстэ, «Кылыгырас кылыһахтаах» оһуохайдьыт аатын, онтон хас да төгүл бриллианынан бириис ылбытым.

Билиҥҥи кэмҥэ Арчы Дьиэтигэр Оһуохайга сылдьабын. Олоҥхо ыһыахтарыгар Майаҕа, Үөһээ — Дьааҥыга кыттыыны ылбытым.

«Анаабыр алмаастарын» тэрилтэ Ыһыаҕар бриллиант туппутум.

Үөрэрим диэн, Арчы Дьиэтигэр эдэр этээччилэр кэлэн этэллэр.

Улуустартан, Культура колледжын, АГИКИ үөрэнээччилэрэ кэлэн кыттыыны ылаллар, оннук көлүөнэ сибээһэ олохтонор.

Бэйэм баҕа санаам Саха гимназиятыгар талааннаах оҕолору талан ылан Оһуохай куруһуогун ыытыам диэн былааннаахпын.

Оскуолаларга барыларыгар Оһуохайга болҕомто ууруохтарын наада.

Оһуохайы утарааччы диэни сирэй көрсө иликпин. Онон ылыммат дьон өйдөөбөттөрүттэн тахсар. Сахалыы иитии күүһүрүөн наада. Оҕо эрдэхтэриттэн саҕалыахха наада уһуйаантан саҕалаан. Омугуттан тутулуга суох. Оччоҕо эрэ утарааччы суох буолуо.