Dødsdømd franskmann i Indonesia blir sendt heim

Franskmannen Serge Atlaoui (61), som er dømd til døden for narkotikalovbrot i Indonesia, blir sendt tilbake til Frankrike, seier den indonesiske regjeringa.

Dei to landa skreiv under ein avtale om saka fredag.

Atlaoui blei gripen i 2005 på det som skal ha vore ein narkotikafabrikk nær hovudstaden Jakarta.

Han sa han berre skulle installere maskiner ved fabrikken, og var uskuldig.