Amerikansk hangarskip mistenkt etter søppelfunn langs norskekysten

Eit amerikansk hangarskip er hovudmistenkt etter fleire «mystiske» søppelfunn langs norskekysten, mellom anna i Kristiansand og Farsund.

Naturvernforbundet peikar på hangarskipet Harry S. Truman som mogleg «rotårsak» etter at plastbeger frå «Kellogs», «Lucky charms» og «Cherrios» har skylt inn langs norskekysten den siste månaden.

Hangarskipet Harry S. Truman var på besøk til Noreg i november, og delar av begera er uopna.

– Vi veit ikkje kva som har skjedd her ennå, men noko nokså stort har openbert skjedd., seier Truls Gulowsen, leiar i Naturvernforbundet.

NRK har kontakta den amerikanske ambassaden i Noreg, men har foreløpig ikkje fått svar.