РФ-нь субъектнэнь ютксо пелькстамонь кочкамонть коряс тедеде Мордовиянь колмо модельной ловнома кудотнень теемас явови 31 миллион целковойть (эрзя)

Покш Игнатовасо буень ловнома кудось полавтови «Превей кудос», косо од ломантне содавтовить тиринь ёнксонь койтнень, шкинематнень марто. Библиотекань фондтнэ сюпалгадыть 3тёжат экзэмплярсо.
Теньгушевань буень Барашева велень ловнома кудось аноксты панжомс «Книгань заповедник» тарканть, косо анокстави невтемс велень хозяйствань кастоманть, пертьпельксэнь мазычинть ды туристэнь ёнксонть. Теде башка тесэ кармить экологиянь ванномга пурнавкст. Фондтнэ кастовить тёжа книгас.
Зубова-Полянань буень Умёт посёлкань ловнома кудонь концепциясо лофт ёнксось, граффити, хай-тек. Те ловнома кудось тееви наукань-ванномань конференциянь, мельтнень коряс вастовомань, кортамонь ютавтома таркакс.
Одкстомтозь кудосонть сыцятне паро мельсэ пурнавить кудораськенек эсест ёрокчист домкалгавтомга. Книгань фондось пештяви 2 тёжадо ламо книгасо.
Эрьва модельной ловнома таркасо анокставить потмонь оймсемань таркатне, фондтнэ, путови неень шкань техника, карми Раськень электронной ловнома кудонь ресурстнэс совамо.