Течи Мордовиянь Государственной Собраниянтень – 30 иеть! (эрзя)

Коень коряс ёвтазь «Законось ды властесь» республикань журналистэнь пелькстамонь изницятне. Тедеде СМИ-нь сех вадря важодицятнень кочкасть 7 номинациясо. «Мордовия» ГТРК-нтень максозь 5 казнеть. Минек гостелерадиокомпаниясь лиссь изницякс «Госсобраниянтень 30 иеть» номинациясо. «Электронной массовой информациянь СМИ-ть» номинациясо колмоце степенень дипломсо казезь «Мордовиянь радиось». Казнетне максозь Наталия Грановская «Мордовия» ГТРК-нь прявтонтень. «Журналистэнь сех вадря важодема» номинациянь дипломсо казезь Алёна Крапивина корреспондентэсь. «Видеооператоронь/фотокорреспондентэнь сех вадря важодема» номинациясо изницякс кармась Евгений Сотков. МР-нь Госсобраниянь Шнамо конёвсо казезь Александр Данильчев «Мордовия» ГТРК-нь «Сияжар» раськень куронь корреспондентэсь. Теке марто республикань СМИ-нь важодицятне казезь дипломсо ды премиясо.