«Культура» национальнай проектоц (мокша)

Кочкуровань аймаконь Татаронь Умыс велеса моли тястонь клубть петемац. Покодематне ётафневихть «Культура» национальнай проектонь «Культурная среда» региононь проектть видеса.
Велень клубть кирпицень фкя этажонь зданияц тифоль нинге 1960-це кизоня. Тяса ётафневихть илат. Клубсь лезды ванфтомс койхнень-обуцятнень. Покодематне мольфтевихть мартста сявомок. Тяниень пингть аделазь вельхксть петеманц, полафтозь утеплительть, поталакть тиезь гипсокартонца. Стане жа полафтозь вальмятнень, тиезь потмоста стенатнень, ушедозь инженернай коммуникациятнень и уштомань систематнень ладямаснон. Оцю покодема моли ваномань залса. Строительхне тапазь ташта сценать, вастонза путыхть од. Залть срхкайхть тиемс национальнай сёрматфксса сянгяря-зрнянь тюсса. Велень одкстоптоф клубсь цебярьгофтсы культурань учреждениять покодеманц.