Яводо мель спортонтень (эрзя)

Медьковонь 25-27-це читнестэ Мордовиянь прявтошось тагояк вастсы «Рейс» дисциплинань коряс ВМХ велосипедэнь спортонь коряс Россиянь Первенстванть ды Альфа-Банк Чемпионатонть. Раськень прявт ушодксось максови масторсонок вейкине  8 метрасто аштиця «Суперкросс» олимпийской сэрень  трассасо, конань покшто-покш панжомась ютась регионсонок ютазь иестэ. Таркась ашти ВМХ-велоспортонь вельтязь Куншкакуронть маласо. Весе те ловови вейкине комплексэкс, косо Россиясто весе спортсментнэ ютавтыть анокстамот иень перть. Объектэсь стявтозь «Демография» раськень теварсевксэнь «Спорт-норма жизни» федеральной проектэнть лувсо. Содавикс стартонь казнетнень кис пелькстамо кармить РФ-нь 16 субъектэнь малав 120 ардыцят. Ютксост 23-це иень чемпионтнэ Ярослава Бондаренко Московсто ды Евгений Клещенко, кона ютазь иестэ пелькстась Мордовиянть ды Омскоень ёнксонть кис. Ваныцятнень учить аволь ансяк велосипедсэ пек бойкасто ардыцянь ардомат, культурань сюпав программа – «Варма» этно-арт-театрань невтемась, Вадим Подлесновонь пельде музыкань гайтесь ды седе тов. Кирдемс вечкевикс спортсментнэнь мереви весенень.