Ֆերոմոլիբդենի արտադրությամբ զբաղվող ընկերությունը շուրջ 18.5 մլն դրամի չափով վնաս է հասցրել շրջակա միջավայրին. ԲԸՏՄ

Բնապահպանության և ընդերքի տեսչական մարմինը ֆերոմոլիբդենի արտադրությամբ զբաղվող «ԱՄՓ ՀՈԼԴԻՆԳ» ՍՊԸ-ում իրականացրած ստուգման արդյունքում արձանագրել է մի շարք խախտումներ։

Ընկերության մոլիբդենի եռօքսիդի արտադրամասի պտտվող գազային վառարանները շահագործվել են սահմանային թույլատրելի արտանետումների (ՍԹԱ) չափաքանակների գերազանցմամբ, իսկ վառարաններից մեկը գործարկվել է առանց համապատասխան թույլտվություն։

Տեսչական մարմնի Երևանի տարածքային բաժնի պետի որոշմամբ՝ առանց համապատասխան թույլտվության գազային վառարանի շահագործումը կասեցվել է։

Ներկայացվել է շրջակա միջավայրին հասցված վնասի փոխհատուցման պահանջ՝ շուրջ 18.5 մլն դրամի չափով։

Նշանակվել են վարչական տուգանքներ։

The post Ֆերոմոլիբդենի արտադրությամբ զբաղվող ընկերությունը շուրջ 18.5 մլն դրամի չափով վնաս է հասցրել շրջակա միջավայրին. ԲԸՏՄ first appeared on MediaLab Newsroom-Laboratory.