Կարգապահական խախտման հիմքով դադարեցվել են դատավոր Աննա Դանիբեկյանի լիազորությունները
Բարձրագույն դատական խորհուրդը դադարեցրել է Երևանի առաջին ատյանի ընդհանուր իրավասության քրեական դատարանի դատավոր Աննա Դանիբեկյանի լիազորությունները։ «Արմենպրես»-ի հաղորդմամբ՝ ԲԴԽ որոշումը նիստի ընթացքում ներկայացրեց ԲԴԽ նախագահ Կարեն Անդրեասյանը։
Ընդգծվում է, որ Բարձրագույն դատական խորհուրդը բավարարել է ՀՀ արդարադատության նախարար Գրիգոր Մինասյանի միջնորդությունը և էական կարգապահական խախտման հիմքով դադարեցրել դատավոր Աննա Դանիբեկյանի լիազորությունները։
Դատավոր Դանիբեկյանը քննել է ՀՀ երկրորդ նախագահ Ռոբերտ Քոչարյանի գործը։ Դատավորի նկատմամբ հարուցված կարգապահական վարույթն առնչվում է Ռոբերտ Քոչարյանի եւ մյուսների գործին։ Ըստ Արդարադատության նախարարության՝ Դանիբեկյանը կոպիտ անփութությամբ խախտել է դատավորի վարքագծի կանոնները, որի հետևանքով ամբաստանյալները, այդ թվում՝ Ռոբերտ Քոչարյանը, ազատվել են պատասխանատվությունից՝ հանցանքի վաղեմության ժամկետի լրանալու հիմքով:
The post Կարգապահական խախտման հիմքով դադարեցվել են դատավոր Աննա Դանիբեկյանի լիազորությունները first appeared on MediaLab Newsroom-Laboratory.