Инфаркт ни сәбәпле булырга мөмкин?

Медицина фәннәре кандидаты, кардиолог Анна Кореневич сәламәт кешегә көнгә ничә йомырка ашарга яравын, холестерин югары булса моның нәрсәгә китерергә мөмкин булуын сөйләгән. Бу турыда «Российская газета» яза.

Көнгә 1 йомырка ашау зыянлы түгел. «Ләкин кан тамырлары белән проблемалар булса, липидограммага карагыз һәм табиб киңәшләрен истә тотыгыз», – ди ул.

Табиб сүзләренчә, йомырка тәбәсендә ничә йомырка булуына караганда, аны нәрсә белән ашау күпкә мөһимрәк. Әгәр ул яшелчәләр һәм зәйтүн мае белән ашалса – бер хәл, ә кыздырылган колбаса яки сосискалар белән булса – бөтенләй башка. Табиб сүзләренчә, чын «атеросклероз двигателе», инфаркт китереп чыгара торган төп сәбәп – хроник стресс.

«Ул кан басымын күтәрә, шикәр микъдарын арттыра, кан тамырларында ялкынсыну һәм тромблар барлыкка китерә. Ә бавыр стресс йогынтысында холестеринны үзе синтезлый», – дип яза кардиолог Анна Кореневич үзенең Telegram-каналында.

Табиб сүзләренчә, курку, даими борчылу, гаепле булу (оялу, рәнҗү) хисе, басылган ачу – йөрәк һәм кан тамырлары өчен иң куркыныч эмоцияләр.

Эмоцияләр һәм психика белән эшләгәндә кортизол дәрәҗәсен киметергә мөмкин, ә бу исә нәтиҗәдә холестеринны да нормага китерергә ярдәм итә, дип йомгаклады кардиолог.