Путин һәм Трамп Аляскада очрашты, сөйләшүләр башланды

Россия Президенты Владимир Путин һәм Америка лидеры Дональд Трамп Анкориджда (Аляска штаты) очрашты. Самолетлардан төшкәч, лидерлар бер-берсенең кулын кысты һәм, бер машинага утырып, сөйләшү урынына китте, дип яза РИА Новости.

Сөйләшүләр «өчкә-өч» форматында уза. Россия ягыннан сөйләшүләрдә Россия Президенты ярдәмчесе Юрий Ушаков һәм РФ тышкы эшләр министры Сергей Лавров катнаша. Америка ягыннан – дәүләт секретаре Марко Рубио һәм махсус вәкил Стивен Уиткофф.