АКШ һәм ЕС 15 процентлы бердәм пошлина кертү турында килеште

АКШ президенты Дональд Трамп Европа Берлеге белән бердәм таможня пошлинасы турында килешүгә ирешүен хәбәр итте, дип яза РИА Новости.

Трамп сүзләренчә, килешү автомобильләргә дә, башка төр товарларга да кагыла.

«Без килештек: автомобильләргә дә, калган барлык товарларга да бердәм пошлина 15% тәшкил итәчәк. Димәк, бездә 15 процентлы пошлина кертеләчәк», — диде ул Европа Комиссиясе рәисе Урсула фон дер Ляйен белән очрашу вакытында.