Шикәр алганчы, составын карагыз!

Шикәр сатып алганчы, иң беренче чиратта составын укыгыз – бары тик бер сүз генә язылган булырга мөмкин, әмма ул тәмгә дә, химия булуына да зур йогынты ясый. Бу турыда https://progorodsamara.ru яза.

Шикәр бәясе аның категориясенә һәм җитештерү ысулына бәйле. Шуңа күрә нәрсә алганыгызны аңлау мөһим.

Россиядә шикәр җитештерү ГОСТ 33222-2015 стандарты белән көйләнә. Бу стандарт шикәрне категорияләргә бүлә, һәм ул категорияләр продукциянең сыйфатына һәм бәясенә тәэсир итә.

Шикәрнең 4 төп категориясе бар:

• Экстра
• ТС1
• ТС2
• ТС3

Шикәр җитештерү ысулы буенча да аерыла:

• кристалл рәвешендә,
• каты итеп формалаштырылган (прессланган),
• вакланган.

Сыйфатның төп күрсәткече – сахароза (шикәр) микъдары:

• Экстра: 99,8%
• ТС1 һәм ТС2: 99,7%тан кимрәк
• ТС3: якынча 99,5%
• Калган өлеше минераль калдыклар һәм механик пычраклардан тора.

Минераль калдыклар (зола) – шикәрнең чисталык дәрәҗәсен күрсәтә (ул азрак булган саен, сыйфат яхшырак һәм төсе ап-ак була).

Механик пычраклар – туфрак, үсемлек калдыклары кисәкчекләре.

«Экстра» категориясе – иң югары чисталыктагы шикәр. Анда минераль калдыклар һәм пычраклар иң аз күләмдә.

ТС3 шикәре сарырак төстә булырга, тәме дә артык баллы булмаска мөмкин.

Россиядә гадәттә чөгендер шикәре кулланыла, ул яхшырак чистартыла. Камыш шикәре исә көчлерәк тәмгә һәм хуш искә ия, кайвакыт меласса (табигый сироп) күбрәк була.

Шикәрнең төсе һәрвакыт аның сыйфатын күрсәтми – кайбер җитештерүчеләр агарткычлар куллана. Шуңа күрә шикәрнең категориясенә һәм җитештерүче брендына игътибар итәргә кирәк, диелә хәбәрдә.