Авыл фермасында янгында биш кеше һәлак булган

Оренбург өлкәсендә Песчаное авылында терлекчелек фермасында чыккан янгында 5 кеше һәлак булган. Бу хакта «Вести» сайты яза.

Янгын 120 квадрат метр мәйданлы корылманы юкка чыгарган.

«Янгынны сүндергәндә Россия Гадәттән тыш хәлләр министрлыгы хезмәткәрләре 5 кеше мәете тапты, аларның шәхесләре ачыклана», – диелә төбәк министрлыгы хәбәрендә.

Янгынны Россия Гадәттән тыш хәлләр министрлыгының 13 белгече һәм 6 техникасы сүндергән. Якынча мәгълүматлар буенча, ут тәмәке тартканда саксызлык аркасында чыккан.