Кемнәргә салкын душка керү тыела?

Эсседә салкын душка керү организм әзер булса гына куркынычсыз дип санала. Югыйсә, кан тамырлары кискен тараю аркасында, аяныч нәтиҗәләргә, шул исәптән инсультка китерергә мөмкин, дип сөйләде РИА Новостига табиб-кардиолог, анестезиолог-реаниматолог Антон Вахляев.

«Әгәр сез аңа әзер булсагыз, салкын душ куркынычсыз. Әгәр сездә салкын душ керүне тыя торган күрсәтмәләр булмаса, әгәр сез нәрсә эшләгәнегезне аңлыйсыз икән, бу – зыян китерми. Эсседән салкын душка кискен кергән вакытта физиология уйный: киң кан тамырлары бик тиз тарая, организмның барлык кан тамырлары тарая. Әгәр сездә нинди дә булса үзгәргән кан тамыры булса, мәсәлән, баш миендә, сезнең өчен бу – инсульт белән тәмамланырга мөмкин, калтырау синдромы башланырга мөмкин», – диде ул.

Вахляев, организм җайлашсын өчен, температураны акрынлап төшереп, җылы су белән душ керергә киңәш итте.

«Салкынча душ – эсселекне төшерүнең менә дигән ысулы. Моны кискен эшләргә кирәкми, моны акыл белән эшләргә кирәк», – дип билгеләде табиб.