Смартфонда шәхси хәбәрләрне саклау өчен киңәшләр

РФ Эчке эшләр министрлыгының мәгълүмат-коммуникация технологияләрен законсыз куллануга каршы көрәшне оештыру идарәсе шәхси хәбәрләрнең куркынычсызлыгын саклау өчен киңәшләр бирде. Бу турыда РИА Новости хәбәр итте.

Шәхси язышуларны саклау өчен түбәндәгеләрне эшләргә кирәк:

• Барлык актив сессияләрне ябыгыз;
• Икефакторлы аутентификация көйләгез;
• Билгесез номерлардан килгән хәбәрләрдәге сылтамаларга кермәгез һәм файлларны ачмагыз.

Хокук саклау органнары шулай ук түбәндәгеләрне киңәш итә:

• Әгәр дустыгыздан шикле хәбәр килсә, аның белән шәхсән элемтәгә керегез;
• Билгесез номерлардан килгән хәбәрләргә шәхси яки яшерен мәгълүматларны җибәрмәгез.