Нинди ризыклар ашказанында яман шеш китереп чыгара?

Туклану – ашказаны онкологиясе үсеше куркынычына йогынты ясый торган төп факторларның берсе. Кайбер продуктлар авыру ихтималын арттыра. Икенчеләре, киресенчә, саклау эффекты күрсәтә.

Продуктларның «кара» һәм «ак» исемлекләре

Ашказаны яман шеше – иң киң таралган һәм иң «усал» онкологик авыруларның берсе. Бөтендөнья сәламәтлек саклау оешмасының 2020 ел мәгълүматлары буенча, диагностикада һәм дәвалауда алга китешкә карамастан, ашказаны яман шеше барлык яман шешләр арасында таралу буенча 5 нче урында һәм үлем буенча дөньяда 3 нче урында тора. Аннан туклану ярдәмендә сакланып буламы? Бу хакта табиб-гастроэнтеролог Елизавета Сидорова aif.ru сайтына сөйләде:

– Тикшерелгән диеталар һәм туклану режимнары, шулай ук, безнең фикеребезчә, турыдан-туры яман шеш китереп чыгармый торган, әмма авыруны үстерә торган продуктлар бар. Мәсәлән, ысланган ризыклар, маринадлар һәм соуслар. Итне артык күп куллану һәм бигрәк тә консервантлар кулланып әзерләнгән ит продуктлары начар йогынты ясый.

Япониядә озак вакыт ашказаны яман шеше белән авыруны соя продуктлары һәм соя соуслары куллану белән бәйләгәннәр.

Ашказаны өчен яхшы тәэсир итә торган продуктларга килгәндә, бик күп деликатеслар, тәмләткечләр һәм эчемлекләр булмаган теләсә нинди баланслы ризык файдалы. Аларга алкоголь генә түгел, ә каты чәй, кофе һәм башкалар да керә. Ашкайнату эшчәнлеге өчен Урта диңгез диетасы, шулай ук югары клетчаткалы продуктлар – беренче чиратта яшелчә, җиләк-җимеш, яшелчә һәм шпинат файдалы булырга мөмкин.

– Әмма мондый киңәшләрне һич тә бер яклы кабул итәргә ярамый, – дип дәвам итә доктор. – Каклаган казылыктан фәкать шпинат файдасына тулысынча баш тарту ашказаны шешеннән дә куркынычрак булган башка авыруларга китерергә мөмкин! Туклану төрле һәм баланслы булырга тиеш. Сезнең тәлинкәдә «аксым – май – углевод» – тулы составлы төрле продуктлар булырга тиеш.

Иттән баш тартырга ярамый. Аның файдасы азрак булган төрләре көндәлек туклану рационының 10 процентыннан да артмасын. Шикәр һәм май күп булган ризыклардан сакланырга кирәк, чөнки алар артык авырлык китереп чыгара. Тәннең артык массасы, башка куркыныч факторлар (шул исәптән генетик факторлар) белән бергә, үз чиратында, турыдан-туры юан эчәкнең яман шеш алды халәтләренә китерергә мөмкин. Барлыкка килгән полиплар куркыныч яман шешкә әйләнә ала.