Чираттагы алдау: мошенниклар өйдән генә эшли торган эш тәкъдим итә

Мошенниклар текстлар җыю буенча читтән торып эш тәкъдим итә. Аннан алдакчылар үзләренең корбаннарын сайтка җибәрә. Анда «бер тапкыр түләүләр» җыялар һәм юкка чыгалар, дип кисәтте РФ Эчке эшләр министрлыгының мәгълүмати-коммуникацион технологияләрне хокукка каршы куллану белән көрәшне оештыру идарәсе. Бу хакта РИА «Новости» яза.

«Бу – эшкә урнашу өлкәсендә мошенниклыкның «классик» үрнәге. Явыз ниятле кешеләр рәсемнән текст җыеп акча эшләргә тәкъдим итә. Корбанын сайтка җибәрә, эшкә урнашучыдан «бер тапкыр кулланыла торган» түләү ала һәм юкка чыга», – диелә хәбәрдә.

Мошенниклар корбаннардан уртача 900 сум җыя. Ә 1 текстка 10 тапкырга күбрәк хезмәт хакы тәкъдим итә, дип аңлата хокук саклаучылар.

• Сак булыгыз: мошенниклар «лайк» куеп акча эшләргә тәкъдим итә башлаган
• «Уяу булыгыз!» – Мошенниклар бердәм дәүләт имтиханын бирүчеләрне алдый
• Ялга җыенганда игътибарлы булыгыз: мошенниклар ялган билет сата башлаган