9 майга һава торышы һәм ай календаре

9 майда Татарстанда болытлы, көндез аязучан-болытлы һава торышы була. Төнлә яңгыр явачак. Көндез урыны белән яңгыр ява. Көнбатыштан, төньяк-көнбатыштан 6-11 метр тизлектә, урыны белән 14 метр тизлектә көчле җил. Төнлә һава температурасы +5..+10˚, көндез +13..+18˚ градус.

Үсүче ай, ай үлчәү йолдызлыгында.

Кабак, ташкабак, кыяр орлыкларын бүрттереп, ачык туфракка сибәргә була. Җылы ярата торган яшелчә рассадаларын теплицага, парникка күчереп утыртырга мөмкин. Җиләк куаклары утырту өчен уңай вакыт.