Дуңгыз итеннән өчпочмак ясап сатканнар

Курганның «Белые ручки» оешмасы дуңгыз итеннән эчлек белән пешерелгән өчпочмаклар ясаган. Татар сатып алучылар моңа дәгъва белдергән. Шуннан соң әлеге ризыкны башкача атаганнар. Бу турыда РИА Новости телеграм-каналында яза.

Әлеге товарга «Яндекс.Лавка» сатып алучылары игътибар иткән. «Бу татар ризыкларын мыскыл итү», – дип алар компаниягә мөрәҗәгать иткән.

«Без аның атамасын үзгәрттек инде – бәрәңге белән иттән (дуңгыз ите) эчлекле пирожок, 140 г», – дигәннәр «РИА Новости»га предприятиедә һәм сатып алучылардан гафу үтенгәннәр.