«Язмышымның тагын бер сынавы» – Фирдүс Тямаев онкологик хастаханә юлында йөри

Җырчы Фирдүс Тямаев Республика клиник онкологик диспансерында булып кайткан. Дөрес, артист нәрсә булганын, ни сәбәпле әлеге хастаханәгә мөрәҗәгать итүен әйтми.

«Берегез дә бу юлны таптамагыз!

Дуслар, язмышымның тагын бер сынавы. Аллаһы Тәгалә кешегә гомер биргәч, сынауларын да бирә. Тик нинди генә сынау булса да, без бирешергә тиеш түгел», – дип кенә сөйләде ул үзенең социаль челтәрдәге сәхифәләрендә.