Казанда юл-патруль хезмәте инспекторлары Багги белән идарә иткән 9 яшьлек малайны тоткан

Казанның Вознесенск трактында автоинспекторлар «Багги» руле артында балигъ булмаган йөртүчене тотканнар, дип хәбәр итә «Татар-информ».

Дәүләт автоинспекциясендә хәбәр итүләренчә, транспорт белән 9 яшьлек малай идарә иткән, ә пассажир аның 39 яшьлек әтисе булган.

Әти кешегә карата административ беркетмә төзелгән. Баланы профилактик исәпкә кую мәсьәләсе хәл ителә, Документлар полициянең территориаль бүлегенә тапшырылган.