Уфада җир убылган: машина 8 метр тирәнгә төшеп киткән

Уфада йорт янында җир убылган, һәм машина җир астына төшеп киткән. Машинаны 8 метр тирәнлектәге чокырдан махсус техника белән чыгарганнар. Бу хакта, шәһәрнең гражданнарны саклау идарәсенә сылтама белән, «РИА Новости» яза.

Социаль челтәрләрдә таралган видеода күренгәнчә, җир астына машина гына түгел, ә аның янындагы агач та төшеп киткән.