11 мартка һава торышы һәм ай календаре

11 мартта Татарстанда аязучан-болытлы, явым-төшемнәрсез һава торышы була. Көньяк-көнчыгыштан 5-10 метр тизлектә, көндез урыны белән 14 метр тизлектә көчле җил. Төнлә һава температурасы -6..-11˚, көндез 0..+4˚ градус. Юлларда урыны белән бозлавык.

Үсүче ай, ай Арыслан йолдызлыгында.

Ай календаре буенча орлыклар чәчү һәм үсемлекләрне күчереп утырту өчен уңайсыз вакыт. Кар тизрәк эресен һәм туфрак җылынсын өчен, теплицаларны пленка белән капларга була. Рассада туфрагын көпшәкләндерү өчен уңайлы вакыт. Җимеш агачларын һәм куакларын ялгарга була.