Бәйрәм тәмам - Гөлназ Шәрипҗанова моторлы пычкы белән утын кисә

Кичә 8 Март бәйрәме уңаеннан барлык социаль челтәрләр чәчәкләр белән тулды. Бигрәк тә лаләләргә күп игътибар бирелде. Хатын-кызлар үзләренең матур фотолары белән уртаклашты.

Җырчы һәм алып баручы Гөлназ Шәрипҗанова да лалә тулы бүлмәдә кызы һәм әнисе белән төшкән видео урнаштырды. «Комментарийларга әбиләрегезнең исемнәрен языгыз, матур мсемнәрне туплыйк әле», - дип ул язылучыларын да активлаштырган.

Ә кичкә таба инде Гөлназ назлы хатын-кызның бөтен эшкә дә алына алуын күрсәтеп, тагын бер видео керткән. Монда инде эш киеменә киенгән авыл кызы моторлы пычкы белән утын кисә. «Булдырасың!» - дип комментарий калдырган ир-ат язылучысы.

Менә шундый инде ул татар хатын-кызлары.