Әни кеше яшь ярымлык кызына пычак кадаган һәм буып үтерергә маташкан

Иваново өлкәсендә яшәүче хатын 1,5 яшьлек кызын суярга һәм буып үтерергә маташкан. Бу турыда Тикшерү комитетына сылтама белән РЕН ТВ хәбәр итте.

Тикшерү версиясе буенча, фаҗига 2 мартта була.

«Хатын-кыз кулына пычак ала һәм баланың корсагына һәм күкрәгенә кимендә 2 тапкыр кадый. Аннары ул бау ала һәм кызын буып үтерергә маташа. Бала үлде дип санап, хатын бауны ычкындыра һәм буудан туктый», – диелә хәбәрдә.

Ведомство белешмәсе буенча, аннары бу хатын үзенең анасына шалтырата һәм барысын да сөйләп бирә. Хәзерге вакытта бала хастаханәдә, авыр хәлдә.

Җинаять эшен тикшерү бара, диелә хәбәрдә.