Авырлы хатыннар баланы «кысып чыгаручы» табиблардан зарлана

Кырымда бала тудыру йортында авырлы хатыннар «баланы кысып чыгарган» һәм тыелган ысуллар кулланган табиблардан зарлана. Әлеге шикаятьләрне тикшерү башланган. Бу турыда РЕН ТВ каналы Тикшерү комитетына сылтама белән хәбәр итте.

Экстрен рәвештә бала тудырганда табиблар яңа туган сабыйга тән җәрәхәтләре китерү турында җинаять эше ачылган.

«Аналогик фактлар һәм ярымутрауда яшәүче хатын-кызлар турында өстәмә белешмә ачыкланды, алар бала тапканда яралгыны чыгару өчен тыелган ысуллар куллану нәтиҗәсендә медперсонал гамәлләреннән зыян күрүен хәбәр итте», – дигәннәр ведомствода

Хәзер зыян күрүче башка кешеләрне ачыклыйлар.

Моңа кадәр Кырымда яшәүчеләрнең видеомөрәҗәгате социаль челтәрләрдә таралган. Алар Симферополь шәһәрендәге бала тудыру йортларының берсеннән зарлана.

Ир белән хатын сүзләренчә, табигый рәвештә бала тудырганда берничә табиб, баланы кысып чыгару өчен, авырлы хатынның корсагына терсәкләре белән баса. Нәтиҗәдә бала үле килеш туа.

Тагын бер хатын сүзләренчә, ике табиб һәм шәфкать туташы тулгак вакытында аның корсагына баскан, нәтиҗәдә сабый зәңгәрләнеп туган, диелә хәбәрдә.