«Авыл малаеннан әллә кемгә әйләндең дә куйдың» – блогер Равил Закиров яңа образда

Акча түләтеп, шәһәр кызларын абзарда эшләткән һәм сыерлар саудырткан блогер Равил Закиров социаль челтәрдә үзен карап баручыларны шаккатырган.

Ул яңа гына яздырган җырына билгесез кыз белән клип төшергән. Анда катнашучы кызның йөзе күренми. Халык блогерның җырлавына ияләшеп килә, җылы кабул итүчеләр артты, хәзер клиптагы кызның шәхесе, шулай ук Равилнең яңа образы да күпләрдә кызыксыну уяткан.

«Авыл малаеннан әллә кемгә әйләндең дә куйдың син. Бигрәк имиджың матур», «Бигрәк матур җыр, Равил үскәнем», «Молодец та үзең, образын «ут» булган», «Булдырасың син» дигән комментарийлар белән хуплаганнар блогерны.

Блогер үзе Чирмешән районы Иске Кади авылында яши.