Ире кулларын чабып өзгән хатын кияүгә чыккан, дүртенче баласын тапкан

2017 елда Серпухово шәһәрендә Маргарита Г. исемле хатынны ире имгәткән иде. Ир-ат әле дә хатынга компенсация түләмәгән. Бу турыда «Вести» каналы хәбәр итте.

Ул хатынны урманга алып бара, үтерү белән яный. Көнчелектән ярсыган ир хатынының ике кулын чабып өзә.

Ир-атны 14 елга ирегеннән мәхрүм иттеләр, ул хатынга 2,035 млн сум түләргә тиеш иде.

Әлеге фаҗигадән соң Маргарита бик катлаулы дәвалану уза, аның бер кулын өлешләп диярлек җыялар, икенчесен саклап кала алмыйлар. Хәзер хатын заманча протез куллана.

Берничә ел узгач, Маргарита икенче тапкыр кияүгә чыккан, 2024 елның маенда дүртенче баласын тапкан, диелә хәбәрдә.