Данир Сабиров хатынына чәчәк җибәргән ирләргә рәхмәт әйткән

Бу көннәрдә Данир Сабировның хатыны Миләүшә ханым гомер бәйрәмен билгеләп үтте. Аның чәчәк яратканы турында Данир сөйләп тора. Ире бүләк итмәгән очракта да, ул аптырап калмый: чәчәккә заказ бирә дә, иреннән үзенә бүләк иттерә.

Бу юлы да артист хатыны үзенә бүләк итеп җибәрелгән чәчәкләрне күрсәтте. Данир инде видеоның башында Кәшифә кушаматлы песине күрсәткән. «Токымы да әллә кем түгел инде, әмма үзен аксөяк диярсең «яфффаимать». Рәхмәт кеше ирләренә, минем хисле бичәне бәхетле иткәннәренә», – дип язган ул.

Видеода күренгәнчә, гөлләмәләрнең ниндие генә юк, Миләүшә ханым аларны урнаштыра һәм сокланып утыра.

«Һәр елны 4 февраль көнне, безнең прихожий чәчәк белән тула. Кемдер «күпме акча әрәм» дияр инде. Минем Азнакай әни шулай дияргә ярата, «теща» да шулай ди. Кемдер «көенеч» дип әйтер, әмма чәчәк сатучыларга бу – сөенеч. Миләүшә ханым ел дәвамында күңеленә хуш килгән иптәш кызларына алар нәрсә ярата – шуны эшли дә, алар үз вакытында матур чәчкәләрне аңа җибәрәләр. Аннары шуңа куанып йөри инде. Менә бусы – минеке, потому что, бирмәсәң, тоже эләгә. Калганнары – башка хатыннарның ирләреннән. Әле бу чәчкәләр монда кадәр килеп җитә иде, әле кич түгел. Менә шундый хисле бичә», – ди ул, хатынын кочагына алып.

Чәчәк җибәрүчеләргә Милүшә дә рәхмәт белдерде, чәчкәләргә ай буе куанып йөрүен һәм көн саен соклануын әйтте.