Билгесез вирус тарала башлаган – үлүчеләр бар

Һиндстанда үлемгә китерә торган билгесез вирус барлыкка килгән. Кешеләрнең баш мие шешә (отек мозга) һәм үләләр. Россия галимнәре моңа каршы торырга әзерләнә, дип хәбәр итә «Shot» телеграм каналы.

Һиндстанның Джамму һәм Кашмир штатында 38 кеше галимнәргә билгесез вирусны эләктергән. Инде 17 кеше үлгән. Әлегә табиблар үлемнәрнең көчле токсиннан булуын ачыклаган, ләкин нинди токсин булуы әлегә билгеле түгел. Авыру йоктыручыларның барысында да – күңел болгану, хәлсезлек, бизгәк тоту күзәтелә, ә үлгәннәрнең барысында да – баш мие шешү. Джамму һәм Кашмир штаты хастаханәсендә кергән барлык пациентларны охшаш симптомнар булуга тикшерәләр.

Туристлар «Shot»ка сөйләгәнчә, пляжларда Россия кешеләре көннән-көн кими бара. «Гоада бик йогышлы вирус эпидемиясе. Барысы да ютәлли. Бүген автобуста бардым, бөтен кеше коточкыч йөткерә. Өстәвенә, ул ак тәнлеләргә йога. Пляжларда нигездә Һиндстан кешеләре генә калды», – дип сөйләде ял итүчеләрнең берсе.

Россия чикләрендә эпидконтроль көчәйтелгән. Әлегә Россиягә керүчеләрдә билгесез вируска охшаш симптомнар ачыкланмаган.