Ринат Рахматуллин яшь хатыны белән йорт салырга җыена?

Ринат Рахматуллин социаль челтәрдәге сәхифәсендә яшь хатыны Динара белән видео куйган. Анда ул «Яңа елга, яңа җир кишәрлегенә – яңа җыр белән» дип язган.

Видеода күренгәнчә, җырчы кар каплаган җир кишәрлегендә «Йөрәгем рәхмәт әйтә» дигән яңа җырын тәкъдим итә. Шул уңайдан яшь пар халыкка йорт салырга җыенулары турында да хәбәр итәргә булган бугай.