Краннан ага торган суның сыйфатын тикшерүнең 4 ысулы

Су кеше тормышында гаять зур роль башкара. Сыйфатсыз суны ачыклау ысуллары интернетта бар. Начар су тән тиресендә проблемалар да, төрле авырулар да чыгаруы ихтимал.

Йомшак су сабынны начар чистарта, кул юганнан соң, сабынлы калган кебек тоела. Каты су исә сабынны яхшы юа, өслекне чистарта, ябышмый.

Каты су билгеләрен ачыклау кыен түгел. Чәйнектәге юшкыннан, сантехникада ак эзләр, тән тиресе һәм чәч коры булу – болар барысы да каты суда кальций һәм магний күп булуны аңлатырга мөмкин. Каты суның тискәре йогынтысын киметү өчен, фильтрлар һәм махсус йомшарткычлар кулланырга була.

Краннан ага торган суның чисталыгы да мөмкин. Чиста суны көзге яки пыялага тамызып карагыз. Тамчы парга әверелгәч, аның урынында эз калса, бу – суда кушылмалар бар, дигән сүз.

Тагын бер тест: суны үтә күренмәле савытка салып, 2-3 көнгә караңгы урында калдырып торыгыз. Су яшелләнсә, майлы элпә барлыкка килсә – су пычрак дигән сүз.

Суның составын белү өчен, кайнатып эксперимент ясарга була. Суны кастрюльгә салыгыз, 20 минут кайнатыгыз. Аннары суытыгыз, аннары суны түгеп, кастрюль төбен, кырыйларын яхшылап карагыз. Савыт стеналарында көрән юшкын барлыкка килсә – суда тимер күп, дигән сүз. Соры яки ак юшкын булса – кальций яки аның оксидлары бар. Кастрюль стенкалары чиста калса – су сыйфаты яхшы, анда кушылмалар юк, дигән сүз.

Суга фильтр кирәк икәнен аңлау өчен, 2 чокырда чәй пешерегез. Берсендә – краннан алган су, икенчесендә шешәдән алган су булсын. Чәй тәме бик аерылса, краннан алган суда кушылмалар күп, дигән сүз, аларны бетерү өчен фильтр кирәк, диелә хәбәрдә.