Կարծում եմ՝ առաջիկա շաբաթներին հնարավոր է զինադադարի հասնել. Մակրոնը՝ Թրամփի հետ հանդիպման արդյունքների մասին
Ֆրանսիայի նախագահ Էմանուել Մակրոնը Վաշինգտոնում ԱՄՆ նախագահ Դոնալդ Թրամփի հետ հանդիպումից հետո կարծիք է հայտնել, որ առաջիկա շաբաթների ընթացքում կարող է հրադադար ձեռք բերվել Ռուսաստանի և Ուկրաինայի միջև։ Հրադադարին պետք է հաջորդեն բանակցությունները երկարաժամկետ խաղաղության շուրջ։ Եվրոպան, ըստ Մակրոնի, պատրաստ է Ուկրաինային տրամադրել անվտանգության երաշխիքներ, այդ թվում՝ այնտեղ խաղաղապահ զորակազմ ուղարկել։