95 киза ётась, кода ладявсь и кочкавсь минь Мордовияньке (мокша)

Тяни сонь сонцень Конституцияц, гербоц, флагоц и гимнац. Республикать историяц кемоста сотф ломаттнень эряфонь историяснон мархта. Ся пингонь эряйхне эсь тевснон вельде виияфнезь и козякофнезь аймаконьконь. Регионца строявсть промышленнай предприятият, больницят, эряма кутт, школат и техникупт, клупт и библиотекат. Республиканьконь юбилеенцты ётафневихть эрь кодама илат, коса шнавихть ломаттне, конат макссть оцю путкс сонь мазепнемасонза. А.С.Пушкинонь лемса библиотекаса ётафтовсь васедема заслуженнай строительть, Саранск ошень и Мордовиянь почётнай ломанть, лама орденца казьфть, Государственнай премиянь лауреатть Валентина Самаровать мархта. 60-да лама кизот авась покодсь стройкаса. Пуромксса ульсть Валентина Никитичнань ялганза, школань и вузонь тонафнихть. Синь лама марясть Самаровать эряфонь кинц колга.