Օրինապահ հարկատուների ցանկը համալրվել է

ՀՀ Պետական եկամուտների կոմիտեն (ՊԵԿ) համալրել է օրինապահ հարկ վճարողիների ցանկը եւս 18 տնտեսվարողներով` հասցնելով այդ թիվը 38-ի:

Ինչպես հայտնել են ՊԵԿ մամուլի ծառայությունում, համապատասխան կարգավիճակը հաստատող հավաստագրերն այսօր ընկերություններին է հանձնել ՊԵԿ նախագահի առաջին տեղակալ Կարեն Բրուտյանը:  

ՊԵԿ-ում տեղեկացրել են, որ հավաստագրերի հանձնման առաջին փուլից հետո՝ երկու օրվա ընթացքում, հավաստագրի ստացման դիմում է ներկայացրել 26 հարկ վճարող, որից 18-ը բավարարել են չափանիշներին:

Իսկ տարեսկզբից առ այսօր օրինապահ հարկ վճարողի հավաստագրի ստացման դիմում են ներկայացրել 86 տնտեսվարողներ, որոնցից 38-ի դիմումը բավարարվել է, 13-ինը՝ մերժվել, իսկ 35 դիմում գտնվում է ուսումնասիրության փուլում:

«Նպատակը, մի կողմից, օրինապահ հարկ վճարողների համար վարկային ռեսուրսներ ներգրավելու առումով ավելի բարենպաստ պայմաններ ստեղծելն է, մյուս կողմից` ցույց տալը, որ օրինապահ հարկ վճարողներն ունեն պետության, տվյալ դեպքում, ՊԵԿ-ի աջակցությունը»,- ասել է Կարեն Բրուտյանը` ընդգծելով, որ
գործընթացն առաջիկայում կպարզեցվի:

Նրա խոսքով` մեկ անգամ դիմում ներկայացնելուց եւ օրինապահ հարկ վճարողի հավաստագիր ստանալուց հետո, եթե տնտեսվարողի վարքագծում բացասական փոփոխություն չկատարվի, հավաստագրի գործողության ժամկետն ինքնաբերաբար կերկարաձգվի:

Ստորեւ ներկայացնում ենք «օրինապահ հարկատու»-ի կարգավիճակ ստացած 18 նոր ընկերությունների ցանկը `

«Քայլ Մա»
«Տասմեդ»
«Այսոֆտ»
«Մարնար»
«Յան Վարդյան»
«Նոբիլիս»
«Տոնտոն Ինվեստիցիոն»
«Էլ Վի Թրեյդինգ»
«Արմենիա Տելեֆոն Կոմպանի»
«Բուկինիստ»
«Մեդ-ան Թրասթ»
ԱՁ Վլադիմիր Եգանյանին
ԱՁ Աննա Միրզոյանին
«Հալդի Քոնսալթ»
«Մանուսկրիպտ»
«Սեդրակ Զատիկյան»
«Մնացականյան փաստաբանական գրասենյակ»
«Ավենիղ»