O‘zbekistonliklar bankdan pulini olish uchun barmog‘ini ko‘tarib boradi

O‘zbekiston Respublikasi Markaziy banki Ichki ishlar vazirligi bilan hamkorlikda mijozlarning banklardagi omonatlari xavfsizligini ta’minlash uchun ularning biometrik ma’lumotlari, jumladan, barmoq izlaridan foydalanishni yo‘lga qo‘yish ustida ishlamoqda. Bu ma’lumotni Ozodlik Markaziy bank mulozimidan oldi. Ba’zi banklar, tajriba tariqasida, mijozlarning barmoq izlarini yig‘ishni o‘tgan yili boshlagan edi.