Сенат раисининг янги биринчи ўринбосари Ўзбекистонга нима қилиб беради?

Ўзбекистондаги кам сонли либерал фикрли сиёсатчилардан бири сифатида танилган Содиқ Сафоев янги таъсис этилган лавозим - Сенат раисининг биринчи ўринбосарлигига тайинланди. Сафоевга яқин мулозимлардан бирининг исми сир қолиш шарти билан Озодликка айтишича, Сафоев янги лавозимга тайинлаганидан сўнг “масъулияти ошганини тўла ҳис қилаётганини, бироқ ўз олдида турган вазифаларни бажаришга тайёр” эканлигини айтган.