Մխիթարյան. «Յունայթեդի» կազմում առաջին գոլիս շատ երկար էի սպասել
Հայ ֆուտբոլիստը խոստովանել է, որ այդ գոլին շատ երկար է սպասել. «Հույս ունեմ, որ հաջորդ անգամ գոլի հեղինակ կդառնամ «Օլդ Թրաֆորդում», քանի որ ցանկանում եմ աչքի ընկնել նաեւ տնային խաղում: Դա յուրահատուկ հաճույք է»,- ասել է Մխիթարյանը:
Նա նշել է, որ առաջին խաղակեսում այդքան էլ լավ չեն գործել ու հասկացել միմյանց, բայց ֆուտբոլում առանց դրա չի լինում: Սակայն 2-րդ կեսում կարողացել են շտկել իրենց խաղն ու հաղթել 2:0 հաշվով:
«Մանչեսթեր Յունայթեդը» հաղթահարել է Եվրոպայի Լիգայի խմբային փուլն ու մրցակցին կիմանա դեկտեմբերի 12-ին կայանալիք վիճակահանության ժամանակ: