Телефонидан диний ёзув чиққани учун ўшлик йигит Ўзбекистонда 3 йилга қамалди

Қирғизистоннинг Ўш шаҳрида туғилиб ўсган, ҳозирда Россия фуқароси, 29 яшар Зуҳриддин Абдураимжонов 2016 йилнинг 25 майида Ўзбекистон чегарасини кесиб ўтаётганда телефонидан диний мазмундаги ёзув топилгани учун Ўзбекистон маъмурлари томонидан жиноий жавобгарликка тортилиб, 3 йилга озодликдан маҳрум қилинди. Ўшлик инсон ҳуқуқлари ҳимоячисининг айтишича, Зуҳриддин Абдураимжонов иши кейинги бир-икки йил ичида қайд этилган шунга ўхшаш бешинчи ишдир.