Білім күні Тасбөгет кентінде жаңа мектеп ашылды - Қызылорда

ҚЫЗЫЛОРДА. ҚазАқпарат - Білім күнінде Тасбөгет кентінде №172 орта мектеп пайдалануға берілді. Апаттық жағдайдағы мектептерді жою мақсатында облыстық бюджеттен барлығы 5 млрд. 44 млн. теңге қаралды. Бүгінде 12 мектептің құрылысы басталып, олардың жыл соңына дейін 5-еуі пайдалануға беріледі. Ал биылғы жаңа оқу жылының басында облыс бойынша 4 мектеп ел игілігіне берілді.