Жиззахда ҳалок бўлган 10 ишчининг дафн маросими ҳаражатларини Ўзтрансгаз кўтарди

Озодлик Жиззах вилояти Ғаллаорол туманида ўтган ҳафта охирида содир бўлган фожеа билан боғлиқ янги тафсилотларни аниқлади. "Ўзтрансгаз" акциядорлик компанияси таркибидаги корхона - Ғаллаорол Магистрал газ қувурлари бошқармаси ишчи-хизматчиларидан 10 нафари 20 август эрталаб бошқармага қарашли Канализация насос станциясидаги сув моторларини таъмирлаётиб заҳарли газдан ўлган, яна 3 киши вилоят касалхонаси жонлантириш бўлимига ётқизилган эди.