Ҳуқуқ фаоллари Жаслиқ лагерида Аъзам Фармонов билан учрашди

Шу йилнинг 19-20 август кунлари Ўзбекистон инсон ҳуқуқлари “Эзгулик” жамияти раиси Васила Иноятова ҳамда журналист Абдураҳмон Ташанов Ўзбекистон Республикаси Ички ишлар вазирлиги ЖИЭББ тизимидаги 64/71-сонли (Жаслиқ посёлкаси) муассасада 10 йилдан бери қолаётган ҳуқуқ фаолларидан бири Аъзам Фармонов билан учрашди.  Аъзам Фармоновнинг ҳуқуқбонларга айтишича, ҳозир унинг соғлиғи яхши, қамоқхона маъмурияти ва ходимлар томонидан руҳий ва жисмоний қийноқларга солинмаяпти.