Իրանի ՊՆ․ «Ռուսաստանը կարող է իրանական ռազմակայանն օգտագործել որքան կամենա»

«Ռուսաստանի կողմից Համադանում գտնվող ռազմական օդանավակայանի օգտագործման որևէ ժամանակային սահմանափակում գոյություն չունի», - այսօր Թեհրանում լրագրողների հետ հանդիպման ժամանակ հայտարարել է Իրանի պաշտպանության նախարար Հոսեյն Դեղհանը:


«Ռուսաստանը կարող է իրանական ռազմակայանն օգտագործել որքան կամենա», - հայտարարել է Իրանի պաշտպանական գերատեսչության ղեկավարը` նշելով, սակայն, որ խոսքը բացառապես Համադանից ոչ հեռու գտնվող Նոջեհ ռազմաօդային բազայի մասին է:


«Մեր երկրի տարածքում գտնվող ռազմական այլ օբյեկտներից օգտվելու թույլտվություն ռուսական կողմին չի տրամադրվել», - նշել է Դեղհանը: