Վրաստանի ԿԸՀ-ն չեղյալ հայտարարեց «Ցենտրիստների» գրանցումը խորհրդարանական ընտրություններին
Վրաստանի կենտրոնական ընտրական հանձնաժողովը այսօր որոշեց չեղյալ համարել «Ցենտրիստներ» կուսակցության գրանցումը խորհրդարանական ընտրություններին՝ այդպիսով արգելելով այդ բացահայտ ռուսական քարոզչություն տանող կուսակցության մասնակցությունը հոկտեմբերին կայանալիք ընտրություններին:
Անցած շաբաթավերջից Վրաստանի գրեթե բոլոր քաղաքական կուսակցություններն ու ոչ կառավարական կազմակերպությունները պահանջում են արգելել այդ կուսակցության գործունեությունը հակասահմանադրական գործողությունների համար:
Վերջին կաթիլը Վրաստանի հանրային հեռուստաընկերությամբ ցուցադրված «Ցենտրիստների» նախընտրական հոլովակն էր: 10 վայրկյանանոց տեսանյութում կուսակցության առաջնորդներ Թեմուր Խաչիշվիլիի և Լադո Բեկուկաձեի ձայները հերթականությամբ հայտարարում են․ - «Ռուսական թոշակ բոլոր թոշակառուներին՝ 400 լարի: Կընդունենք օրենք երկքաղաքացիության մասին: Կօրինականացնենք ռուսական ռազմակայանները: Մենք կպաշտպանենք Վրաստանը»: Այս հոլովակի տեսաշարում երևում է Ռուսաստանի նախագահ Վլադիմիր Պուտինի լուսանկարը, ռուսական և վրացական անձնագրերը միասին, ինչպես նաև ռուսական դրոշներ կրող ռազմական տանկեր:
Նախընտրական այս հոլովակը հանրային բողոքի ալիք է բարձրացրել նաև Հանրային հեռուստաընկերության դեմ, որն առավելապես արտահայտվում է սոցցանցերում: Պետբյուջեից ֆինանսավորվող Հանրայինը բողոքների պատճառով ստիպված դադարեցրել էր հոլովակի հեռարձակումը: Չնայած ընտրական օրենսգրքով Հանրայինը պետք է անվճար եթեր տրամադրի ընտրություններին մասնակցող կուսակցություններին, սակայն կիրակի օրը Հանրայինը հայտարարեց, թե տվյալ քաղաքական հոլովակը պետության դեմ ուղերձներ է պարունակում և կարող է հակասել երկրի սահմանադրությանը:
Ընդդիմությունը խիստ քննադատեց հեռարձակած նախընտրական տեսահոլովակը: Միացյալ ազգային շարժումը հայտարարեց, որ հակապետական ակտ է, մեղադրելով նաև Բիձինա Իվանիշվիլիին Վրաստանում ռուսամետ ուժերին պաշտպանելու համար:
Իշխող «Վրացական երազանքը» հայտարարեց, թե մտադիր է դիմել սահմանադրական դատարան՝ պահանջելով չեղարկել «Ցենտրիստների» գրանցումը ընտրություններին: «Վրացական երազանքը» հայտարարեց, թե ցենտրիստների հոլովակը ուղղված է պետության դեմ և հակասահմանադրական է:
«Ցենտրիստների» առաջնորդները Թեմուր Խաչիշվիլին և Լադո Բեդուկաձեն են: Երկուսն էլ հայտնի են բավականին սկանդալային պատմություններով:
Խաչիշվիլին 1992-93 թվականներին՝ Էդուարդ Շևարդնաձեի նախագահության ժամանակ, Վրաստանի ներքին գործերի նախարարն էր: Նա «Մխեղնիոնի» զինված խմբավորման առաջնորդն էր, որը լուծարվեց 1995 թվականին Շևարդնաձեի վրա կատարված հարձակումից հետո: Խաչիշվիլին ձերբակալվել էր ու ազատազրկման դատապարտվել ահաբեկչական գործունեություն կազմակերպելու մեղադրանքով, սակայն 2002-ին Շևարդնաձեն նրան ներում շնորհեց: Վարդերի հեղափոխությունից հետո նա ձերբակալվեց անօրինական զենք պահելու մեղադրանքով, կարճատև կալանքից հետո մեկնեց Ռուսաստան: Խաչիշվիլին Վրաստան վերադարձավ, երբ իշխանության եկավ Բիձինա Իվանիշվիլիի հիմնադրած «Վրացական երազանք» դաշինքը:
Ցենտրիստների մյուս առաջնորդը՝ Լադո Բեդուկաձեն, նախկին բանտապահ է: Բեդուկաձեն այն մարդն է, ով 2012 խորհրդարանական ընտրություններից երկու շաբաթ առաջ ինտերնետով տարածեց բանտարկյալների նկատմամբ անմարդկային վերաբերմունքն ու խոշտանգումները ցուցադրող տեսանյութերը: Դեռ այն ժամանակ քաղաքագետները գտնում էին, որ այդ տեսանյութերը որոշակի ազդեցություն թողեցին իշխանությունների հանդեպ ընտրողների վերաբերմունքի վրա: Ընտրությունների արդյունքում Սաակաշվիլիի կուսակցությունը պարտվեց, իշխանության եկավ «Վրացական երազանքը»: Ռուսաստանը Բեդուկաձեին պարգևատրել էր «Արիության համար» մեդալով: Տեսանյութերի հետ կապված քրեական գործ էր հարուցվել, Բեդուկաձեն անցնում էր այդ գործով, տեսանյութերի մի մասը նա անձամբ էր նկարահանել, բայց նա որևէ պատասխանատվության չենթարկվեց՝ նա ազատ արձակվեց դատարանի դահլիճից: Այդ ժամանակներից սկսած՝ Պետական պահպանության ծառայությունը ապահովում էր նրա անվտանգությունը: Այսօր Վրաստանի դատախազությունը որոշեց նրան զրկել պետական պահպանությունից:
Անցած շաբաթավերջից Վրաստանի գրեթե բոլոր քաղաքական կուսակցություններն ու ոչ կառավարական կազմակերպությունները պահանջում են արգելել այդ կուսակցության գործունեությունը հակասահմանադրական գործողությունների համար:
Վերջին կաթիլը Վրաստանի հանրային հեռուստաընկերությամբ ցուցադրված «Ցենտրիստների» նախընտրական հոլովակն էր: 10 վայրկյանանոց տեսանյութում կուսակցության առաջնորդներ Թեմուր Խաչիշվիլիի և Լադո Բեկուկաձեի ձայները հերթականությամբ հայտարարում են․ - «Ռուսական թոշակ բոլոր թոշակառուներին՝ 400 լարի: Կընդունենք օրենք երկքաղաքացիության մասին: Կօրինականացնենք ռուսական ռազմակայանները: Մենք կպաշտպանենք Վրաստանը»: Այս հոլովակի տեսաշարում երևում է Ռուսաստանի նախագահ Վլադիմիր Պուտինի լուսանկարը, ռուսական և վրացական անձնագրերը միասին, ինչպես նաև ռուսական դրոշներ կրող ռազմական տանկեր:
Նախընտրական այս հոլովակը հանրային բողոքի ալիք է բարձրացրել նաև Հանրային հեռուստաընկերության դեմ, որն առավելապես արտահայտվում է սոցցանցերում: Պետբյուջեից ֆինանսավորվող Հանրայինը բողոքների պատճառով ստիպված դադարեցրել էր հոլովակի հեռարձակումը: Չնայած ընտրական օրենսգրքով Հանրայինը պետք է անվճար եթեր տրամադրի ընտրություններին մասնակցող կուսակցություններին, սակայն կիրակի օրը Հանրայինը հայտարարեց, թե տվյալ քաղաքական հոլովակը պետության դեմ ուղերձներ է պարունակում և կարող է հակասել երկրի սահմանադրությանը:
Ընդդիմությունը խիստ քննադատեց հեռարձակած նախընտրական տեսահոլովակը: Միացյալ ազգային շարժումը հայտարարեց, որ հակապետական ակտ է, մեղադրելով նաև Բիձինա Իվանիշվիլիին Վրաստանում ռուսամետ ուժերին պաշտպանելու համար:
Իշխող «Վրացական երազանքը» հայտարարեց, թե մտադիր է դիմել սահմանադրական դատարան՝ պահանջելով չեղարկել «Ցենտրիստների» գրանցումը ընտրություններին: «Վրացական երազանքը» հայտարարեց, թե ցենտրիստների հոլովակը ուղղված է պետության դեմ և հակասահմանադրական է:
«Ցենտրիստների» առաջնորդները Թեմուր Խաչիշվիլին և Լադո Բեդուկաձեն են: Երկուսն էլ հայտնի են բավականին սկանդալային պատմություններով:
Խաչիշվիլին 1992-93 թվականներին՝ Էդուարդ Շևարդնաձեի նախագահության ժամանակ, Վրաստանի ներքին գործերի նախարարն էր: Նա «Մխեղնիոնի» զինված խմբավորման առաջնորդն էր, որը լուծարվեց 1995 թվականին Շևարդնաձեի վրա կատարված հարձակումից հետո: Խաչիշվիլին ձերբակալվել էր ու ազատազրկման դատապարտվել ահաբեկչական գործունեություն կազմակերպելու մեղադրանքով, սակայն 2002-ին Շևարդնաձեն նրան ներում շնորհեց: Վարդերի հեղափոխությունից հետո նա ձերբակալվեց անօրինական զենք պահելու մեղադրանքով, կարճատև կալանքից հետո մեկնեց Ռուսաստան: Խաչիշվիլին Վրաստան վերադարձավ, երբ իշխանության եկավ Բիձինա Իվանիշվիլիի հիմնադրած «Վրացական երազանք» դաշինքը:
Ցենտրիստների մյուս առաջնորդը՝ Լադո Բեդուկաձեն, նախկին բանտապահ է: Բեդուկաձեն այն մարդն է, ով 2012 խորհրդարանական ընտրություններից երկու շաբաթ առաջ ինտերնետով տարածեց բանտարկյալների նկատմամբ անմարդկային վերաբերմունքն ու խոշտանգումները ցուցադրող տեսանյութերը: Դեռ այն ժամանակ քաղաքագետները գտնում էին, որ այդ տեսանյութերը որոշակի ազդեցություն թողեցին իշխանությունների հանդեպ ընտրողների վերաբերմունքի վրա: Ընտրությունների արդյունքում Սաակաշվիլիի կուսակցությունը պարտվեց, իշխանության եկավ «Վրացական երազանքը»: Ռուսաստանը Բեդուկաձեին պարգևատրել էր «Արիության համար» մեդալով: Տեսանյութերի հետ կապված քրեական գործ էր հարուցվել, Բեդուկաձեն անցնում էր այդ գործով, տեսանյութերի մի մասը նա անձամբ էր նկարահանել, բայց նա որևէ պատասխանատվության չենթարկվեց՝ նա ազատ արձակվեց դատարանի դահլիճից: Այդ ժամանակներից սկսած՝ Պետական պահպանության ծառայությունը ապահովում էր նրա անվտանգությունը: Այսօր Վրաստանի դատախազությունը որոշեց նրան զրկել պետական պահպանությունից: