Մարզիչն այսօր հայ ծանրորդներից լավ ելույթ է ակնկալում

+105 կգ քաշային կարգում մասնակցելու են Ռուբեն Ալեքսանյանն ու Գոռ Մինասյանը:

Mediamax Sport-ի թղթակցի հետ զրույցում հավաքականի երկրորդ մարզիչ Վիգեն Խաչատրյանն ասել է, որ երկու ծանրորդն էլ պատրաստ են մրցմանը:

«Մարզումների ժամանակ նրանք բարձր կիլոգրամներ են բարձրացրել, երկուսն էլ արժանի են լավ արդյունքի: Կարծում եմ, տղաները կարող են ուրախացնել մեր ազգին, ինչպես երեկ արեց Սիմոն Մարտիրոսյանը»,- ասել է Խաչատրյանը:

Ալեքսանյանն ու Մինասյանը պայքարի մեջ են մտնելու Երեւանի ժամանակով ժամը 01:00-ին:

 

Նախագծի գործընկեր