Ռիո-2016. Նարեկ Աբգարյանը 1/8 եզրափակչում պարտություն կրեց
Մինչեւ 52 կգ քաշային կարգում Նարեկ Աբգարյանը մրցեց Աշխարհի առաջնության բրոնզե մեդալակիր Ջիանգուան Հուի (Չինաստան) հետ:
Դիմակայության հենց սկզբից շատ ակտիվ պայքար ծավալվեց: Առաջին ռաունդում առավելություն ուներ մրցակիցը: Հանդիպման ողջ ընթացքում որքան էլ հայ բռնցքամարտիկը փորձեց կորցրածը հետ բերել, այդպես էլ չստացվեց:
Հանդիպման վերջնամասում Հուն վնասվածք ստացավ, սակայն բժիշկների միջամտությունից հետո շարունակեց հանդիպումը:
Աբգարյանը պարտություն կրեց ու չկարողացավ անցնել 1/4 եզրափակիչ:
Այսպիսով, Հայաստանի բռնցքամարտի հավաքականն ավարտեց ելույթներն Օլիմպիական խաղերում:
Նախագծի գործընկեր